-
Ah l'amor, l'amor, l'amor ! Quan e'vs gaha que caleré partir en córrent. (Pierre Perret)
-
N'ei pas per'mor de l'atraccion terrèstra que lo monde e càden... amorós. (Albert Einstein).
- Lo qui ei passionaument amorós que vad inevitablament òrb taus defauts de l'objècte aimat, mes en generau que torna trobar la vista ueit dias après lo maridatge. (Emmanuel Kant)
- Que i a duas sòrtas d'amor : l'amor insatisfèit qui'vs rend odiós, e l'amor satisfèit qui'vs rend pèc. (Colette)
-
L'amor, qu'ei l'absolut, qu'ei l'infinit ; la vita qu'ei lo relatiu e lo limitat. D'aquiu totas las secretas e pregonas còrheridas de l'òmi quan l'amor entra dens la soa vita. N'ei pas pro grana entà'u càber. (Victor Hugo)
-
Un òmi amorós qu'ei un òmi qui vòu estar mei aimable qui non pòt ; e d'aquiu perqué quasi tots los amorós e son ridicules. (Chamfort)
-
Ne pensiatz pas que los qui persegueishen las daunas e prenen tant de pena per amor tad eras ; qu'ei sonque per amor d'eths e deu lor plaser. (Marguerite de Navarre).
-
Que i a avut ua hemna dens la mea vita e, com tà tots los de qui disen « que i a ua hemna dens la soa vita », n'èra pas la mea. (Pierre Daninos)
