Que son los mimologismes ?
Ne'm vau pas lançar dens granas teorias sus lo lengatge qui harén interviéner Platon e lo Cratyle... Tà har simple, que vau díser qu'un mimologisme, dens l'encastre d'aquesta rubrica, qu'ei quan creden reconéisher dens lo crit d'un animau ua parladura umana.
Qu'ei atau qui vam har díser a un gat qui miaula : « Mau, mau, que va mau ! »
Las mei parlaires de totas las bèstias que son los ausèths... Que'us hèn díser hèra de causas... e qui n'a pas enténut a díser a un mèrlo o un auriòu sus un cerisèr : « E son maduras hòu ? »
Ací que'vs balhi dongas quauques mimologismes... mes que ne i a hèra d'autes e si ètz drin inventius que ve'n vatz fabricar d'autes sonque en ve passejant peus prats e peus bòsc... e, plan segur, en orbint las vòstas aurelhas !
